Aku & Musim Luruh Terakhir Di Adelaide

Loghat aku.....
Macei Oghei Daghat Maghi Duano ni.... :-)

Alhamdulillah, jjupo lagi ghupanyo nga musing lughuh tahun nni. Ingat ko mati-mati tahun lepah tu, hok akhir ddoh. Lek-lek duk ceghito doh lah aghi ttu, kato tak jjupa doh lepah nih. Aku pung apa lagi... ghaso besyukur sangak la. Masa ghoyak ceghito musing lalu... tu sebak tak confom lagi buleh ko ddok tamboh masa hubby ngaji. Ruponya buleh heh. Tak sekor mano pun tapi doh Allah kata ado masa lagi duk ssini, kita ambik la pluwei ni habih-habih. 

TTepi Uni la ni.... Frome Road tu laa...

Aku ni excited sangak bila tengok daung-daung hok lughuh ni banyok ddo oh. Duk napok ddoh dua tiga aghi doh seblum nni, tapi tok ddei nak begheti sokmo. Yo lah tak teringak. Nok wak lagu mano, letak je hubby, pahtu masa kona kheto pulah stegheng nak tubik baru napok. Malah doh la nak kona kelik. Tangguh esok pulok dalei hati kato. Nak begheti masa alah balik ambik hubby, mano buleh, dia kei malei-malei baghu sudoh... malei-malei baghu kelik... sokmo-sokmo pun lagu ttu laa... Gak kalu malei nak begheti ambik gamba lagu mano...? Gelak gelemak kkatuk dauk tak napok ggapo satu.... tak comei la gamba lagu ttu gak. Kameiro aku bukei nyo kelah tinggi boleh ambik gamba malei nga comei. Siyei aghi boleh kkigho laa...

Jadinyo ari ttu, lepah balik dari ggi 'Torrei Ailei' market, teruh keno maghi ata hubby ke Uni la. Datei-datei  gak, Allah bagi ingatei tu maghi dalei ppalo nih. Mujur ingat. Tu la teruh ngoyat ko hubby nak gi ambik gamba ssitu mmeta. Buleh la paking kheta kat 30 minit tu mmeta. Suko sangak, segho macei oghei daghat pulok, hihihi.... Tapi doh sengoti ghaso ggitu, nok kata lagu mano lagi... Takut jugok kalu oghei kata, oloh lah lagu ttu pun nak tunjuk, tapi biya lah, aku nok letak dalei kenengei aku sdighi kei.... apa pulok nok saloh nyo...

Macai oghei daghat pulok....

 

Teghingak kenengei lamo, ghumoh aku dulu ttepii jah ngan kebung getah. Luwah sangat kebung getah tuh, adolah oghei nnogheh, masa aku kecik-kecik dulu pung, mak aku ado pergnah jugok la nnogheh. Ddei jugak la aku gi ngikut dia gi nnogheh. Jamei ghitu lagi, maso tu mok aku paka lapu suluh hok ikat ddahi tuh. 

Pah tu ada jugok arwah spupu aku nnogheh, ghajeng juga aku ikut dia gi mmesing getah. Dia sughuh aku pusing mesing getah tu, mulo-mulo pusingei petamo tu ringei la lagi, hok keno ketigo keppat kali tu koho beghat la mesing tuh. Tok ghot la ngan gheng bodi aku maso ttuh. Kecik lagih. Kek nyah gak, maso dio juwa getah, dio bagi la seseing duo ngupah ko aku. Nyoho sangak ddoh aku maso ttuh. Gi bbeli slaluh gapo-gapo...ais keghing ko, cak kelat ko...kkebot la...

Hok aku duk pegei ttu la namo dio 'autumn leaves'. Seghupo denga betuk daun anggur pulak.

Lloo ni pung rumah aku duk mmatei tu jah lagi, tapi kebung getah tu tak dok belah mano doh, banyok doh duk keno tebei. Tak dok fungsi macei kebun getah doh. Gati nga banyok pokok lain doh. Ulei-ulei segha kayu ko, daung palah nok wak ttupak ko... adolah jugok lagih, buleh tehei caghi lagi la... Jamei ghitu ghajeng juga aku masuk caghi kayu api ddalei ttu... Banyok la buleh nyo... Time buwoh getak lughuh, ghajeng kutik wak mmain cokak. Ado juga ghajeng mmain pelago woh getah... :-)

Masa musing kemagha gak, gginilah daung tu lughuh... tapi banyok lagih. Banyok sangat daung getak lughuh. Ado setinggi sapa ke lutuk aku. Maso ttu la... Aku tok blawok, ni ghoyak hok sengoti nih. Kalu aku nok gi ghumah spupu aku gak, ambik jalei dekat.... lalu kot dalei jalei kebung getah ttu la... sajo jah jjalei seghek kaki, biya ttolok banyok daung getah tu... pah tuh sepak-sepak daung getah tuh... sukonyo masa ttu... Pahtu tak dok takut ggapo pung lalu kot hutei teba. Doh... duk beiso sokmo yak kkecik lagih. Kalih doh la, beiso sangat kalu nok ppaghok nga gapo-gapo gak, beiwok ko, che U ko, macei-macei la.... uuuh... stakat pacat tu... banyok ddo oh, tok leh nak bilei... duk jeka-jeka ado sokmo. Kalu hujei, lagi laa.... tok soh duk ghoyak la...

Telajak ceghito pulak, nok ghoyak nyo, daung getah tu banyak lughuh.... bila tengok daung musing lughuh ni lughuh, teringak la ko daung getak lughuh jamei ghitu.... hok aku mmain dulu...  aku kei duk kkapung... Tu jah point aku hok nok ghoyak ceghito nyoh....

Tu nyei segho takut oghei kato daghat tuh... mitok ma'ah la deh, tapi memei excited sangak ni.... sebak duk teringak jamei dulu, maso duk mmain ngan daun getah tu la.... :-)

Terima kasih buat my heart yang sedia melayan kerenah kebudak-budakan aku masa ni.... Entah bila aku akan lalui musim luruh ni lagi.... :-)